الفصــول الأربعـــة
في كل واحد فينا
شخصيتيـــن
متنافـرتيـــن
أحيانا يبقوا متصالحين
وأوقات يكونوا متخاصمين
ساعات أحب أعيش في جنون
وساعات ألاقي نفسي رزيـــن
أوقات أنط من الفرحة
وأحيانا ومن غير سبب
أحس........
جــوايا حزين
وساعات أكون عايزه أقابلك
وأضمك لحد ما أدوبك
وساعات أشوفك
وأعمل نفسي ولا أعرفك
يعني من الآخر كـــده
حتشوف معايا الجنـــــون
وسـاعـات تشوفني جامدة قوي
أو بــ 100 راجل أكون
ويا سلام لما أرجع لأصلي
حتشوف أنوثة ما شفتهاش
على أي أنثى
في أي زمن ولا أي كون
ولو شفت في عيوني التحدي
وغروري قال
يا أرض إنهـــدي
والعناد ياخد معايا ويدي
أرجوك.....
إفهمني صح
وخدني على قدي...
ساعة جنون....وحتعدي
عارفني....قلبي حنون
وساعات كتير تكون موجود
حواليك بنات من غير حدود
أوقات أكون غيرانة نااار
وأوقات منتهى البرود
وجوه القلب نار دفين
وأحيانا أقوم الصبـــــــح
عايزه اتخانق معاك
وبرضه نفس الوقت
أكون عايزاك....
تضمني وتطبطب عليَّ
وتسقيني حب السنين
وكتيــــر بكــون قوي طيبة
وحنَِينـــة وقُريِّبـــــة
ولو تزعلني أكون
شريرة ومُتعبة
وما اسيبش حقي
وآخد بتــاري
ولو من عنيك الطيبين
آديني آهه قدامك
كتاب مفتوح
بكل كلمة
ونقطة وفاصلة
بكل صمت وبوح
يا تاخدني على بعضي
بناري وبردي
يا تسيبني أروح
بكل هدوء
أووووو.....
بزوبعة
حتلاقي فيَّ بساطة مُقنعة
والمنظـــرة والفشخرة متجمعة
بس أوعدك
ح أهننك
وأجننك
وأوريك في يوم واحد
الفصول الأربعة
سوسن سحاب
8/ 7/ 2013
ناااااااااااااااااايس تسلمى سوسن
ردحذف