أعظـم ثورة وأعظم شـعب
عملتها قلووووب خضرا
رجالة وستات حـــرة
والثوار في كل مكــان
من السلوم لحد أسوان
والثوار رايحيين جايين
من بحري لراس التين
قــام الشعب وهب الهبَّــة
وجالك قدام قصر القبَّــة
راحولك عن الاتحادية
هربت من الأبواب الخلفية
رجالة وجدعان والله
تشوفوهم في المحلة
قمنــا بثورة للتغيير
ووقفنا كتير في التحرير
قمنا بثورة للحرية
سهرنا ليالي إسكندرية
الإخوان جابولنا الجلطة
إنزل يلا معانا في طنطا
والبشر أمواج أمواج
من الفيوم لبعد سوهاج
لو بتسأل ع الرجالة
ما تروحش بعيد
تلاقيهم واقفين لك
في ميادين بورسعيد
وما تنسوش شرارة الثورة
واللي ثاروا ع المهاويس
طبعا فهمتوا قصدي
مدينة الشهداء السويس
والجدعان جاية جاية
من العريش واسماعيلية
وجنوب سيناء وشرم الشيخ
ومن دمياط لكفر الشيخ
ونفس الناس هيَّ هيَّ
في البحيرة والقليوبية
ومفيش أكبر من مليونية
عملوها أهالي المنوفية
وبصوا إنت وهو وهي
على أحلى قلوب في الشرقية
إيه أشهر من النيل والهرم
غير شهرتهم في الكرم؟؟
ويلا تعالوا حناخد صورة
جنب الثوار في المنصورة
شرارة الثورة بتسري وتسري
من الصعيد لحد بحري
والناس في الشارع بتزيد
من شلاتين لحد رشيد
قمنا بثورة ع الإخوان
وحترجع مصر زي زمان
ثرنا على شوية ألاضيش
عملوا علينا إيه؟؟ دراويش
نزل الشعب..حماه الجيش
وقلنا ياجيشنا تعيش تعيش
والجيش كله أهلي وناسي
وجوه القلب وفوق راسي
جيشنا المصري عالي عالي
وبعد الحزن ما عشش فينا
وبعد ما زاد همِّي وياسي
رجعت البسمة لينا يا سيسي
سوسن سحاب
3/ 7/ 2013
جامده ياسوسن تسلم ايدك
ردحذفويلا تعالى خديلك صورة
جنب الثوار في المنصورة