على اسم مصر...
على اسم مصر..
يحكي التاريخ حكايات
افتح دفاتر حكمتك
وإحكي ع اللي فات....
إحكي عن شهدائها...
عشاق حبــها
من قبل أحمس...
لحد بعد السادات
دي بلد جيكا
وجندي
وعفت
وكتير بنات
اكتب وحسن خطك قوي..
وانت بتكتب عننا
مسلم مسيحي
كلنا مع بعضنا
في الهم......
نصحى..... نبــات
وأرجــــوك...أرجوك
وقف قلمك...
ولو ساعات
وإقفل ودانك
غمض عيونك
وما تكتــبش
وامسح عام من الذاكرة
واعتبره زمن السكات
وامحِ سيرة اللي ما يصبَّح
ولا بالخيــر يبــات
سوسن سحاب
16/ 6 / 2013
ليست هناك تعليقات:
إرسال تعليق