نفســـــــــي....
نفسي أعيش معــاك
كل أحــلامك
نفســي أشاركك
تفاصيل أيامك
بتحلم أكون دلوقتي قدامك؟؟
في حضنك
أو حتى أكون جنبك
أحاسيسك تلمس إحساسيسي
ايدك في ايدي
وقلبي يعزف لحـــن باريسي
ويَّا قلبك
نفسي أعيش معاك
جوه أحلامك
بتحلم ببيت
صغير
ع البحر الكاريبي
وممكن يا حبيبي
ع البحر الأبيض
بيت أبيض في أبيض
حتى الورد على شباكك
أبيض
ستاير بيضا حرير
يلمسها الهوا وتطير
كل حاجــة زي قلبك
لونها أبيض
كل حاجة زي روحـــك
عايشـــة تنبض
وأنا .............
نفسي أكون لك
بسمة لشفايفك
فرحة جوة قلبك
فكرة مجنـــونة
تخطر على عقلك
قطة سيامي
مطرح ما تمشي.....تتبعــــك
تتمسح فيك, وتدلَّعــــك
وتنام على حجرك
وتطبطب على فروها الأبيض
نفسي أكون ويــاك
وزي مايكون...يكون
وعشان عيونك حبيبي
كل حاجة تهون
نفسي أعيش في حلمك...........
ولو كان
الحلــــــــم مجنـــــون
سوسن سحاب
30/ 7/ 2013
