أقـــــول له إيـــــه؟؟؟

أقـــــول له إيـــــه؟؟؟
                                             

طب أقول له إيه؟؟
لما يجيني يقول 
واحشاني عنيكي

أقول له إيه؟؟
لما يقولي تعبت كتير
دوَّرت عليكي
ومش بلاقيكي

أقول له إيه؟؟
لما يقولي خلاص سامحيني

أقول له إيه؟؟
لما يقولي بلاش تسيبيني

أقول له إيه؟؟
لما أشوف في عيونه الفرحة
إنه لاقاني
فرحة طفل بيوم العيد
زي نور الشمس واضحة
وكل ما فيه بيقول واحشاني

طب أقول له إيه؟؟
أقول له قلبي كمان فرحان؟؟

أقول له إيه؟؟
كنت فينك من زمان؟؟
طالت غيبتك.......
ما تغيبش عني إنت كمان

ولا أعيش جو الكتمـــان؟؟
وأتقل شوية
والأيام أهي جاية جاية
حيعرف فيها مين أنا
عشان يحرم يقسى عليَّ
يروح ويجيني كمان سنة

وييجي كده بكل بساطة
كأنه واحد مننا
عادي خالص؟؟
أسامحه وأنسى؟؟
لا لا لا...لا مش أنا

ولا يعني أكون مسامحة
وأديله فرصة
بس فـرصـــة
أنسى القسوة 
وأعيش الفرحة
ولو شفت منه همسة جارحة
أبعد وأقسى ؟؟؟

وآهي آخر فرصة
آخر فرصة....


سوسن سحاب
30/ 8/ 2013