شهيــــــــدة الغيـــــــاب
خـــلاص
أنا مش عايزاك
ولا عايزة أعرف أخبارك
وخاصمت قلبي اللي اختارك
من دون الناس
كنت أحلى حاجة في حياتي
كنت أول أولوياتي
كنت أول لما تظهر
تتبدل للفرحة آهاتي
تتفتح كل ورداتي
كنت أشوفك من بعيد
ألقى نفسي
كأن قلبي
زي طفل بيتنطط سعيد
بس رغم كل ده
ما تفتكرش
إني في بعادك ح أعاني
ما تفتكرش
إن دمع العين حيجري
أيام وساعات وثواني
وأقعد أعد نجوم الليل
وحدي
واحدة واحدة
وأفضل أشغل أغاني
هجر وفراق
ويا غربتي في بعدك
ونفسي لو ترجع تاني
لكن لا......
لا يا ألف كــــــذاب
كلامك كله خـــداع
وعودك كانت سراب
حقفل بعدك ألف باب
ومش حيقتلني فراقــك
وحرسم لشفايفي بسمة
ولا يوم حتشوف لي دمعة
ولو عذبني العذاب
ولا عمري ح أكون أبدا
شهيـــــدة الغيــــاب
سوسن سحاب
23/ 8/ 2013
ليست هناك تعليقات:
إرسال تعليق