نفسي أعرف
نفسي أعرف إيه شعورك
وانت بتموت نفسك عشاني
نفسي أعرف....
إنت مش خايف؟
مش هايب؟
مش أناني؟
بـتجري ع الموت وعارف
ممكن ما ترجعش تاني
ما فكرتش يوم في أمك
أو عيالك
أو حبيبتك
لو ثواني؟؟
كل تفكيرك في بلدك
وإزاي ما تخليهاش تعاني
لو عميل
ولا خاين
أو حقير
رمى القنابل
دمر وحطم
وقتل كتير
لا عنده نخوة
ولا راعى اخوة
ولا حرمة دم...
وحرمة الموتى
مالهاش عنده أي تقدير
******
بس سيبك
اليوم ده عيدك
مش عيد اللي خانك
وسرق سلاحك
ودمر وحرق بكل ضمير
****
وكل سنة واللي عايش منكم
عايش في صحة ومليون خير
وكل سنة والشهيد منكم
عايش يُرزق عند رب قدير
سوسن سحاب
25 يناير 2015
ليست هناك تعليقات:
إرسال تعليق