حـمــد الله على سلامتك يا مصـــــر
لما تبقى الفرحة
أكبرمن الكلام
وأبلغ من الكلام
ومهما حاولت تتكلم
يتوه كل الكلام
****
عشان كده
سكت الكلام
واتكلمت بس الفرحة
ولبستي بعد السواد
التوب الأبيض والطرحة
*****
وخلاص مفيش نوم
والكل للصبح حيصحى
والملايين في الميادين
وأشجار الأمل طارحة
******
وبعد ما راحت الغمة
بلدنا للخير رايحة
وكل اللي يكرهك
ريحته فايحة وفاضحة
ومن النهارده خلاص
لا كلاب نابحة
ولا خرفان ناطحة
*****
وانتي يا مصرنا
محروسة من ربنا
وناسك راضية ومسامحة
******
وعلى قد ما اتوجعنا
ربنا جبر خاطرنا
وبعت من عنده منحة
******
وحمد لله ع رجوعك
بعد المرض والوجع
تعيشي بسلامة وصحة
سوسن سحاب
4/ 6/ 2014
ليست هناك تعليقات:
إرسال تعليق