لا تراجــع لا اســتـسـلام
لا تراجع لا استسلام
لا تصالح ولا استرحام
مع اللي زرع الشجر ألغام
وخلى الأمهات ثكالى
وصبحوا الأطفال أيتام
لا تصالح
مع اللي ضربنا
والقناصة فوق المدنة
يضربوا نار من جوه الجامع
ويصلوا بره هناك في الشارع
لا تسامح
مع اللي قتلنا
وحرق بلدنا
ومن فوق السور
رمى ولادنا
لا استرحام ولا تنازل
مع اللي خلى الستات أرامل....
لازم نقسى
بعد ما شفنا مناظر الدم
ومش حننسى
أيام وشهور عشناها في غم
بس الدايرة خلاص بتدور
وإن شاء الله الغمة تغور
وبكرة يا مصر تشوفي النور
ونعيش ايام فرح وسرور
وتبقي يا مصر
في كل ثانية
أم الدنيا
وأد الدنيا
وكل الدنيا
سوسن سحاب
21/ 4/ 2014
ليست هناك تعليقات:
إرسال تعليق