مِـرايــة الحـــب عاميـــة
***********
لما قالوا مراية الحب عامية
قلت لأه....استحالة
يعني ايه أحب حد
وأنا بأكره كل أفعاله
يعني لو واحد حيـحــب...
يتنازل عن كل آماله؟؟
قالوا هو ده عيب الحب
تاخد حبيبك على حاله
******
بس عشان حبك مكتوب
ما شفتش فيكي أي عيوب
دابت فيكي يا ما قلوب
واللي عشق عمره ما بيتوب
**********
بنتقدك وأنا عايش فيكي
ولا أقبل نص كلمة عليكي
وفي حضنك يـِتلاقى الكل
الحاقدين واللي حبوكي
ولو تؤمري والله يا مصر
بروحي ودمي أفديكي
**********
جوه أشوف نيلك متعكر
بره أقول نيلك سكر
واللي يشرب منه مره
أكيد لازم تتكرر
ويا ويله وسواد ليله
اللي يقول على جيشك عسكر
***********
فيك حاجة غريبة يا مصر
العشة جنب نيلك قصر
وفيكي حاجات تموِّت قهر
ويحلا فيكي مر الصبر
وحفضل أحبك طول العمر
حفضل أحبك طول العمر....
*
سوسن سحاب
20/ 2/ 2014
مظلات
ردحذفمظلات وسواتر الشامل وستوفر عليك البحث ونقدم لك ارقى مجموعة من المظلات والسواتر مظلات وسواتر
مظلات
ردحذفلدينا افضل فريق عمل لتركيب المظلات والسواتر فى اقل وقت ممكن وباعلى جودة
مظلات وسواتر
معادله كليه الهندسه
ردحذفمع مركز النور لمعادلة كلية الهندسةهتوصل لكية الهندسة بمنتهى السهولة معادله كليه الهندسه