https://www.blogger.com/blogger.g?blogID=6728545486221176857#editor/target=post;postID=2675931694640625896
على اسم مصـــــــر 6
حرائـــــر مصر
********
على اسم مصر...
إحكي يا تاريخ ودقــق
وعلى حرائر مصر
قول...من غير ما تزوق
حرائر بحق وحقيق
مش بتخرب وتحرق
********
قبل التاريخ بتاريخ
سطروا تاريخك يا مصر
بخيوط دهب واستبرق
*********
من قبل حتشبثوت
ملكات غيرها حكموكي
وع الجدران نقشوكي
والعالم شاف وصدَّق
********
ونفرتيتي الجميلة
اللي ما حد شافها
في زمانـَّا أو في زمانها
في زمانـَّا أو في زمانها
إلا يهيم ويعشــــق
*********
وهاجر وبعدهـا مارية
زوجة إبراهيم
وحليلة خير البرية
عليهم الصلا والسلام
وبيهم الخير اتحــقق
**********
وشجر الدر كانت
أعظم من الرجال
ولا حد قدر يسبق
*********
ومن قديم الأزل
في كل شيء الأوّل
والست المصرية
على الجميع تتفوق
*********
أم وزوجة وبنت أصــل
خمسين يد وخمسين عقل
وست عن ست بتفرق
*********
بس في الآخر هي....
هي بس المصرية
وقت الشدة تلاقيها
ووقت الحنية ترقق
**********
ووقت ما تنادي يا بلد
البنت قبل الولد
تنزل تشارك وتجمع
تنزل تشارك وتجمع
وغيرها عايز يـفـــرَّق
*********
لكن عمرها ما تدمر
لا تكسر ولا تحرق
ولا لوحدتها تمزق
*********
*********
هما دول الحرائر
دول بناتك يا وطن
قول يا تاريخ وصفق
سوسن سحاب
27/ 1/ 2014
