#تحـيــا_مـصــر
الـواتــس آب
بعد التحية والعتاب
بكتب لك ع الواتس آب
وأفكرك ياحبيب أمك
باقي يومين ع الانتخاب
اياك تنسى
يا زين الشباب
تاخد حبايبك والصحاب
وتروحوا تقفوا
في الطابور ولو ساعات
عشان مصر يهون العمر
يا ولدي مش بس الساعات
********
أنا وخالاتك والعمات
وقفنا اليــوم بطــولـُه
في الاستفتا اللي فات
وغنينا وزغردنا
ورقصـــت معانا البنات
وفرحنا إننا بقــينا
زي الهوانم لينا أصوات
ولما قالوا بعد يومين
الانتخاب
لولادنا المغتربين
قلت مش حلحق
ابعت لك جواب
واختك قالت لي على
حـكــايــة الواتس آب
قلت بس أفـكـــرك
تاخد معارفك والصحاب
وتنزل تشارك
عشان الدنيا تشوف
حبك لبلادك
ومش عشان ما يقولوش
كان انـقــــلاب
ما يهمكش اللي يقولوه
شوية كلاب
*******
إياك يا حبيبي والكسل
أو تتحجج بالعمل
أو تقول ليه أنزل
والمشير عبد الفتاح
أكيد ضامن النجاح
خليني أنام وارتاح
لا يا ولدي
لــو الكل نام وارتاح
أكيد حنندم ع اللي راح
إنزل يا ولدي
عـَلـمَـك في إيدك
وخـُد قـرارك
وخلي مصر في قلبك
والسيسي اختيارك
وعشان مصر
تنزل تشارك
وتغني مع أحبابك
تحيـــا مصــــر
#تحيا_مصر
سوسن سحاب
12/ 5/ 2014
