وش جديد

وش جـــــــــــديد

أوقات بقوم من النوم 

وقلبي مش سعــــــيد

برسم في عيوني ضحكة

وألبس وش جـــــديد

أصل الناس ما تحبش

تشوفك وإنــــت حزين

ولو شافوك بتضحك...

يقولوا رايق يا بعيد

أوقات بقوم من نومي

وقلبي مش متظبط

أبص جوه نفسي

ألاقيني كمان متلخبط

أدوَّر في كل مكــــان 

على روحـــي مش لاقيها

أشتاق لصورتي زمان

وقلبي كان يتـنـطط

ألبــس وش جـــديد

لا النـــاس تشوفني محبــــط

سوسن

30/ 9/ 2013

قطعة ماس

قطعـــة مــاس

                                                                                                         

لا تعاملني كقطعـــة ماس...
تخشى عليها من الضياع أو الكسر

يكفيني منك الإحساس
أني لديــك أغلى من الدر

لا تعاملني كجوهرة
تخاف أن تدنــو منها
 أن تلمسها..
تخدشها...
أو تعرضها للضرر

لا تعاملني كتمثال كريستال
ترفض أن تلمسه
حتى لا تترك بصماتك عليه أثــر

وأنا أمارس عليك كل
الخبث الأنثوي المستتر

وأتدلل وأُشعرِك
بأن وجودك جواري
يحميني من كل خطر

ولكني أقوى مما تظن 
وأصلب بكثير مما أبدو
ومما ظهــر

ولكن أحب خوفك وقلقك
وأن أمري كثيرا يهمك
وأحب شعوري بأني عندك
كأغلى الجواهر
وشمسك ونجمك
وأحلى قمـــــــــر


سوسن سحاب
24/ 9/ 2013

النصر لمصر

النصر لمصر
                                                                           

طال الوقت أو قصر
إرادة الشعب حتنتصر
مشوارك كان طويل 
وما تعبتيش يامصر
فاضل خطوة واحدة
ونوصل لبر النصر
النصر على الإخوان
والخونة وكل عملاء قطر

اتصل

اتصـِـــــل...

                                                                                                                     
نفسي أسمع صوتك
بس مش ممكن حقولك....
اتصِـــل

استحالة أقول
وحشني صوتك
مهما إيــه حصل

مش حقول إني بحبك
ومش حسألك 
لو إنك...
بتحبني...أو حتى
لو كان شعوري
وصل

ولا ح أقول عنك طمني
ولا بعدك كمان جنني
ولا لســه عندي فيك
أي أمل

ولا ح أقدر أتلكك لك
ومن غير ما تشوفني...أراقبك
وأعمل نفسي مش شايفة
مين اللي بتشغلـَــك
شكل نانسي ولا هيفا
وأكتم جوايا الزعل

بس....
بحــب اسمع ضحكتك
وموسيقى لكنتك
اللي زي...
لا أحلى من العسل

وح أمووووووووت
وأسمع أحلى صوت
بس مش ممكن حقولك....
اتصـِــل

سوسن
22/ 9/ 2013

وقدرت

وقــــدرت.....

                                                                                                             

وقــدرت تغصــب على روحـــك
وتخليــها تنســى عيــوني؟؟
وقــدرت تتحــدى جروحــك
وتخــلي عيــونك ينســوني
لــوكنــــت بصيــــت في عيـــوني....
أنا كنــــت نسيتك روحـــك

جبــت منين القســوة؟؟ يا قلبك !!
كذبــت فيــك حُســن ظنــوني
كنــت صــدقت عيــونك
لكــن خســارة خــدعوني

وعــدوني بقلب وحب وقرب
يا ريــت ما كـانوا وعدوني
خـلِّي عيــونك عنــِّي بعيــد
حنســاهم زي ما نســيوني

وقدرت تنســى بســرعة الــود
خســارة أبنــي وإنــت تهــد
شفـــت الشـــوك في إيــدك ورد
قربـــــت منـــك جـرحـــوني


سوسن

الساحر

الســـــاحــر
 
                                                                              

أيــها الســـاحر
مــاذا بحيــاتي فعلــــت؟؟
ضربــــت بعصــاك أرضي
فتفجـــرت وأينعــــت

كنت أرضــــا ظمــــآنة
وجئــــت أنـــت كالمطــــر
فشربـــــت منـــه وارتويـــــت

وتركتني حبيبــــي وحـــدي
وتـركــــت عصـــاك أرضـــي
فلا أنــــت عـــدت....
ولا صرت أنا
مثلمــــا كنــــت


سوسن

مش حقول

مش حقــــــولك


                                                                                                           

مش حقولك وحشتني
ولا هـــزني حتى الغياب
ولا يوم حقدر أسمَّـــعك
كلمة عتاب
قطعت كل خيط 
كان بيربطنا
وقفلت بينا ألف باب

مش حقولك أد إيه
أنا حزنت
وأد إيه 
إني اتصدمت

مش حقولك
غلاوتك عندي أد إيه
وإنت كلك تبقى إيه؟؟

مش حقولك 
عشان يعني لو عرفت
أكيد كنت اتصدمت
في نفسك
زي بالضبط 
أنا ما اتصدمت
يمكن تــزعل لو عرفت
أد إيه إنت جرحت
وأنا اندبحت
وما قلتش ليه ؟؟؟

سوسن سحاب
21/ 9/ 2013

الأسود والخرفان

الأسُــــــــود..... والخرفان

تحلق شنبك....
تصبغه
تعمـــل مَـــــرة
وتلبس نقاب

الأسد  يفضل أسد
يعيش شجـــاع ويموت مُهـــاب

واللي عاشوا في الجحور زي الفيران
حيموتوا في السجون
زي الكلاب

بس العجب 
وعجب العجــاب

لما انسان متبرمج ع النطاعة
حياته كلها سمعا وطاعة
متربي في حضن الجماعة
يبوس ايد من هب ودب
يحول الكدبة لحقيقة 
وينشر في لحظـــة الإشاعة
يسمع ويحفظ 
بدون ســؤال
ولا انتظــار لأي جواب

يرفع راسه في اعتزاز
ويبصلك بكل اشمئزاز
ويقولك عبيد البيادة !!!!
نعم؟؟؟
نعم.....يا فخر الشباب؟؟؟

إحنا عبيد لله وبس
ولا عمرك في يوم ح تحس
طول ما عقلك اتحبس
وتابع لكلب نجس
باسم الدين أكبر نصاب

الدين عنده مصلحة
يضحك عليك بلحية وسبحة
وحجاب ونقاب

والوطن آه من الوطن
الوطن عنده....
حفنة عفنة من تراب

عشان كده كان بيهادي
لكل جار لـه بينادي
ويهدي له حته من الوطن
أجمل هدية للأحباب

جبت إيه لأمك يا غراب
ما شفناش من وشك 
غير الخراب
كنتم للشياطين أذناب

بعفو رئاسي خرَّجت قتلة ومجرمين
وحرقوا مصر 
عشان القصر
يا راعي رسمي للإرهاب

ومصر كلها كرهتكم
وباللي في رجلها ضربتكم
حتحكمونا بالعافية؟؟
روحوا ربنا يلعنكم
ميعادنا معاكم يوم الحساب
وملعونين في كل كتاب
ملعونين في كل كتاب
ملعونين في كل كتاب

 سوسن
21/ 9/ 2013

المصرية خط أحمر

المصـــــرية خــــط أحمــــــــر

          

                                                

لو لفيت الدنيا ديه
مش حتلقي زي المصرية
هي أمك
هي أختك
هي بنتك
هي اللي لو رضيتها 
حتلقى كل الحنيــة
ولو غدرت يا غدار
حتشوف نجوم الضهرية

وما تتبهاش بصورة حلوة
دي فرنساوية ودي إيطالية
ولا اللاتينية 
أموت أنا في البت ديه

بتأسرك شوية عيون
لونها أزرق
ويمكن أخضر 
والشعرأصفر
طب فين الجوهر؟؟

أكيد كلهم حلوين
ويمكن تحبهم أكتر
لكن وإنت في الغربة
لو خدك الحنين 
ولقيت نفسك متكدر
وحاسس بضيقة وكربة
ونفسك تسمع لك نكتة
أو تشوف فيلم قديم
يفكرك بالجيرة والصحبة
أو تفش غلك بالعربي
أو تتخانق بالعربي
حتــرجم إزاي أحساسك؟؟؟
حتقولها
your night is egg  (ليلتك بيضا)
حتقولها
your day is black  (نهارك أسود)
يعني حتفهم لو قلت لها:
أيوه ياعم ...ماشية معاك

لو نفسك في أكلة مصري
زي اللي بتعملها الوالدة
حتعملها لنفسك دوغري 

لكن لو مصرية ...
طبعا تطلب وحتتأمر
وبعد ما تاكل حتتمطع وتتمنظر
وتقولها مش زي الوالدة.....
أكلة ماما طعهما سكر

طيب يا ننوس عين ماما
اتجـــــوز أي جنسية
عندك كل الحـــرية
بس.....
ما تشتمش المصرية

المصرية خط أحمـــر.............

سوسن
15/ 9/ 2013

حبك لمصر

حُـبـــــــك لمـصــــــــــر                                                   

لو تقـــول في عيــوني شعـــر
لو تتغزل في الشــفايف
ألف ليـــلة وألف شهر..
لو تجيني زي فارس
راكب أحلى مُهر

لو توصفني بأني شمس......
نجمة عالية أو قمر

كل ده مجاملة حلوة
ومني  لك......مليون شكر

بــس إوعى تفتكــــر
إني زعلت 
أو إنقهـــرت
لما قلت إن حبك..... 
كله لمصـــــــر

أجمل ما فيك هو ده.....
حبك لمصر
عشق اتملكك وحيأسرك 
لآخر يوم في العمر

حبي لك مش حب..... 
أي أنثى لأي ذكــــــر

حبي لك هو بس...... 
بحب فيك حبــك لمصر

بحسها بتنبض في نبضك
تسري فيـــــك زي دمك
رغم البعاد 
سايبة جواك أثر
زي النقش ع الحجر

بشوفها بعيونك
أحلى من مليون قمر
بهية وأبيَّة
مَـلــــوْ العين والنظر

لكل عاشق حب....
يوم زاد أو يوم  صِغــر
ولكل شاعر ملهمة 
شِعره ليها 
ممكن يعيش أو يندثر
ولكن حب الوطن تكوين 
بينــزل معانا للقبــــر
هـــو ده......
حُبـــَّـــــــــك لمصــــــــر


سوسن
16/ 9/ 2013

لماذا

لمـــــــــــــــــــاذا ؟؟؟

                                                                                         

لمـــــاذا أحسُّ في بعدك عنيِّ
بأن دمــــوعي قريبــة منِّي؟؟
وشـــوقي لــك يكــاد يقتلني..

لمـــاذا أحس وأنــت بعيـــد
بأنـي كطيـــــر غريب شريد
وكــل الفضـــاء يضيق في عيني

لمــــاذا أحــس بأنــي غـريــق؟؟
وأنـي ألاطـــم بحــــرا عميــــق
وبعيـــدة شطــــآني وسفـنــــي

لمــاذا أحــس إن غبـــت يـومــــا
بأنـــك ستعــــــــود  إليَّ حتمــــا
وأنـــه سيصــــــــــدق فيك ظني .........


سوسن

أكثر مما ينبغي

أكثــــر ممـا ينبغي

ربما عشقتك
أكثر مما ينبغي
وأسرع مما ينبغي
ولكن لا لوم على قلب...
لا سلطان عليه...
فيمن يهوى وما يبتغي



سوسن
14/ 9/ 2013

هل قرأتني

هــل قرأتنــــي؟؟

                                                                                                     

هل قرأتني اليـــوم؟؟
هل عرفت أخباري
فكل ما أكتبه لك
ولو بشكل متواري
أدس رسائلي إليـــك
خلال كلمة في حواري
أو كلمات أغنية
تحكي جهري وإسراري

أو صورة رومانسية

تبث شوقي وأشعاري

هل قرأت بين السطور؟؟
ففيها أخفيت أسراري

هل وصلتك أحاسيس؟؟
عزفت حبك على أوتاري


هل قرأتني اليـــوم؟؟
هل عرفت أخباري

أم زهدت قراءتي
ومللت كل أخباري؟؟

سوسن
12/ 9/ 2013

بلادي

بلادي وأمي
                    

بلادي....
وإن بعدت عن عيونــي
فقلبي يراها

وأمِّــي ....
في القلب مكانها
ولو كان الثرى  واراها 

عنواني

عنــــــوانـي.....

                                                                                                   
حسبي من حبك ما أتاني
سهرٌ ونومٌ.....جفاني
ما هكذا يفعل حُـــــبٌ
يتسلل خلسة لوجداني
يقلب أيامي في ثواني
يبدلني من حال لحــالٍ
والحزن أصبح عنواني
آه يا حب قد عصف
براحة بالي....وأضناني
لو طال عليّ أمد حبك
حتما سأجهز أكفاني

سوسن
12/ 9/ 2013

منتهى أملي

مُنتهــى أملــــي
                              
                          

أعشـــق كل كلمة خطها قلمك
حتى ولــــو لـم تكــــن لـــي

يكفيني أن أرى نبض قلبك
وأعيش حُلـــــــم أنك لي

في كل قصــــيدة قرأتها لــك
حلمت أن تكتــب حرفــا لي

ما كل ما يتمنى المرء يلقاه
ولكن قربك منتهى أملـــي....


سوسن
11/ 9/ 2013

المغناطيس

    المغنـــاطيـــــــس


                                                                                                               

شـــــيء مــا يجذبنــي إليك
كالمغنــاطيس
ويُبـَـــدِّل أيــامي
يجعلني أريد الالتصاق بك
كـتـــــوأم ســـــيامي

شيء يجعلني........
أنتظرك أياما لو غبت...
وأنتظرك ساعاتً لو جئــــت....
شيء فتح أبواب قلبي المغلقة
وكسر كل المتاريس

شيء مــا يجذبني إليك
 كالمغناطيس
يخطفني من كل ما حولي
يجعلني أسيرة لما تقول لي
يوقظ مشاعري 
وكل الأحاسيس.......

شــــيء مـــــــا...
بـــل أشيــــــــاء
تجذبني إليـــــك 
تقربنــي منـــــك
ربما......
عشق الوطن
ربما.....
كلمات شجن
ربما.....
رسائل من الغربة تَئـِّــن
وربـــما.....
نظرات حزن
وأنت في صورة......
مُغْمَض العينين!!!

ولكن سواء .....
شيء واحد أو أشيـــاء
فكلهـــا تجذبني إليــك
تقربني منــــــك
كالمغناطيس 
بكل قـــــوة...
وأنــــــــا........
كريــــشةٍ في الهــــواء
لا حول لي ولا قوة !!!!


سوسن سحاب
11/ 9/ 2013

لو رأيتك من زمان...

لو رأيتك من زمان!!!

                                                                     

                                             


 عندما رأيتك
تمنيت.....
لو كنت
طفلة صغيرة
أو فتاة مراهقة
تحتضن كتبها الى صدرها
وتمشي في ثقة
تلمحك من بعيد
تبث لها أشواقا صادقة
فتخفي بسمتها في خبث
وهي من حُبك واثقة
وأنت بكل رجولة 
تتبعهــــا كظلها
تحميها من أي عين مارقة
لا تطمئن أنت
إلا لو نظرت إليك 
من شرفتي بعينٍ عاشقة.....

عندما رأيتك تمنيت
لو عرفتك من زمان
عندما كان القلب أخضر
وخالٍ من الأحزان
آآآآآه....
لو رأيتك من زمان....

سوسن
11/ 9/ 2013

     

هـــو إنــــت ليــــه؟؟؟

هـــو إنــــت ليــــه؟؟؟
                                                                         

هو أنت ليه 
كل كلمة أقولها دايما
بتاخدها عليك؟؟
هــو إنـــت ليـــه
كل كلمـــة أكتبــها
تفتكـــر مكتـــوبة ليــــك؟؟؟
لو كتبت كلام لأحلى عيون 
في الكون
أكون بقصد عنيك؟؟
ولو كتبت عن غدر وخيانة
يبقى إنت اللي بتخون
ولو ضحكت...أو فرحت
يكون...
إنت السبب
ولو زعلت أو أغضبت
بدون
سبب
برضه يبقى إنت السبب؟؟؟

أنــا الشعر والكتـــابة 
عندي حالة
وإوعى تفكر إني ححبك....
استحالة!!!!

انت بس مجرد فكرة
مجرد بذرة 
مجرد حبـَّــة
وقعت في أرض خصبة
ونبتت أجمل زهرة
وممكــن تبــقى شجرة..

والفكرة انتهت
والبذرة اتنست
وما فضلش غير الزهور
اللي.....فتحت 
حواليك
وما بقاش إلا الشجرة اللي ضللت
عليك....

فما تقطعهاش 
وما تتعبش نفسك وتتعبني
بجحيــــم الأسئلة!!!
هـــو إنــــت ليــــه؟؟؟
لازم تعمل مشكلة
ما تقطعش الشجرة
 اللي كانت عليك مضللة........

سوسن سحاب
10/ 9/ 2013

انتـــظار

انتـــــظار....



وتســــألنـي...

هل طــال انتظـــــاري؟؟

نعـــــــــــم....
لقــد أخــذت من وقتـي
من ليـــلِيِ.....
من نهــــاري

ومـا زلـــــت تســألني..
نعــــــــم...
شغلــــــــــت جــزءا من أفكــاري

والآن..........
أقـــدم أسفي واعتـــذاري
ليــــس لك أيــها الأجـــوف
ولكن لنفســــي
فلمثــــلك .....
ما كـان يحــــق لها الانتظـــارِ...


سوسن

في عينيك

في عيـنيـــــك

                                     
                        

في عينيــك أنسى كل شيء
وأقول لكل شــيء......إنســاني
فالآن....قد عــادت الروح لكيــاني
وكل ما أهــواه أنــــــــا.....
أنســـــاه هنــــــــــا
حين أراك
حين ينطــــق ثغرك
وتهمـــس شفتــاك
وكل شـيء أود أقـــــوله...
يهـــرب مني حيــن أدنــو منك
وأقول أحبـك
حقا أحبـــــك
حقــا أحبك من أعمـــاقي
وترى اشتياقي 
وترى أشواقي
فـأقول أحبــــك وأكــرر
حين أراك أحبك أكثر
وفي عينيك....
أغرق في بحر بلا دوار
وطريق شاق أنا أختـــار
طريقك أنـــــــت
فمــن أجــله أهــجر كل النــــاس
ومن أجله أنسى كل الناس
ولكن شيء واحد أذكر 
وفيه أفكر
أني أحبك...أحبك أكثر

سوسن

على اسم مصر 4 أغنيـــة العـاشقيـــن

على اسم مصر 4
أغنيـــة العـاشقيـــن
                                                              

على اسم مصر 
كتب التاريخ أغنية للعاشقين

الحلوة هي مصر
وعشاق جمالها مين
الكل يحمي ترابها 
ويفدي بنور العين

غنوا كتير لحســــنك
غنوا لقمـــرك وشمسك
وضلة تحت شجرك
وسهم عليه قلبيــــــن

ويا سلام على سحر بحري
ومركب شراعي بيجري
ومراكبي قاعد يغني
أغنية للصابرين

ايه بس فيكي اللي حرَّك
قلوب كل اللي شافك
دابوا في حسنك وسحرك
وفضلوا مسحورين

بس اللي حبك عارف
وهو وحده اللي شايف
حاجات حلوة كتير
مايشوفها ناس تانيين

يشوفها اللي حبوكي
حتى اللي استعمروكي
آسرتيهم ما آسروكي
ورجعوا متحسرين

وبرغم كل اللي سالم
واللي في حبك هايم
لكن حتلقي عالم
منهم كتير حاقدين

يا مصر فيكي اللي فيكي
فقيرة بطرحة ألاقيكي
وأرستقراطية شيك
وبهيــــة في الحالتين

وأول ما أحن وأجيلك
وأتمشـــى على نيلك
ألقى كتير قاعدين
أحبة اتنين اتنين

واسمع لي كلمتين
يا حلو يا اللي ماشي
رايح كده على فين
أعمل نفسي زعلانة
وأنا لأه من جوايا
واتمنى تبقـــى معايا
ونرسم فوق القمر
أو نحفر ع الشجر
سهم ومعاه قلبين

وعلى شطك يا اسكندرية
أتمشى أنا وصاحباتي
ناكل سمك في بحري
وفي جليم أحلى جيلاتي
يا حبيبتي يا ماريا
يا خزنة ذكرياتي
وعشق كل السنين

سوسن سحاب
5/ 9/ 2013

الشــــاعر العاشـــق

الشــــاعر العاشـــق

عنــدما يعشق المــرأة شـــاعـر....

يمطرها بأحاسيسه...

يغمرها بفيض المشاعر

فتصبح هي القصيـــدة

وهي الشعر

عندما تفكر فيِ

وتأخذ من وقتك دقيقة

وتكتب عني....

أشعر في الحقيقة

بأني....

فــوق البشـــــر

عندما بأحلى وأرق الكلمات 

تُصبِحُنِي وتُمسي

وتصف حروفك جواهر ولآليء....

تاجا فوق رأسي
يبدأ الناس يتساءلون....
حبيبتك....
من تكون؟؟؟؟

وتحسد النساء حبيبتك

في صمت وفي يأسِ

أخفي فرحة ممزوجة 

بالغرور والثقة في نفسي

وأشعر بالفخر....

سوسن سحاب

5/ 9/ 2013

اللجــوء العــاطفي

اللجـــوء العــاطفي

                                                                   

عندمــــــا أشعر بالغربة....
وتتملكني الأحـــزان
وتبتعــد كل المراكــــب
وتختفي كل الشطــــآن
واصبح كطفل تائه في الصحراء
لا أحدا معي...ولا إنسان

عنـــدمـا أفتقـــــد الحنــان
وأبحث عن شاطيء 
لأرسو عليه
وأغفو في أمــــان
عندمــا أبتغي لنفسي 
وسط الضيـــاع عنوان

لا أفكر في قصر ولا بستان
في مـال ولا سلطــــان....

فقط أفكر في طلب.....
اللجوء العاطفي لجمهورية قلبك

سوسن
5/ 9/ 2013