بالأمس حلمت بك

بالأمــس حلمــــت بـــك

*********                          

                                                                             

 














بالأمس حلمت أنك معي...
جوار قلبي...
بين أضلعي...

******

تلقي كلمات...
تدغدغ حواسي...
 تصبح شـِــعرا في مسمعي...

******

بالأمس حلمت بك....
حلمت بأنـَّي أذوب عشقا...
وأوشم صورك على أذرعي...

******

حلمت بأنك أكثر حنانا....
تبعد حزني....
وتمسح بأكفك أدمعي...

******

حلمت بأنك صادق صدوق....
وإنك في حلمي وفي واقعي...

******

إنسانا.....
لا يتغير ولا يتبدل...
ويصدق فيك توقعي...

******
سوسن سحاب
30/ 12/ 2013

جنازة شهيد

الشهيد أحمد وحيد

جنـــــازة شهــــيد

                                                               
كل يوم جنازة

وكل يوم شهيد
امتي يا مصرنا
حتقلعي السواد
وتشتري لبس العيد؟؟؟
امتى حيعدي يوم
من غير وقفة حداد
ولا شهيد جديد؟؟


سوسن سحاب

24/ 12/ 2013

أبويا الشهيد

أبـويــا الشهيـــــــــد

***********
                                                          

كل يوم بصحى 

زي أي طفلة

أدور عليك يا والدي

نفسي تفطر معايا

وتوصلني مدرستي

وأمسك ايدك في يدي

ألاقيك نزلت بدري

سايب بوسة على خدي

وعطرك مالي اوضتي

وجنبي على المخدة

ألاقي جواب ووردة

بتقول بحبك يا بنتي

وكمان بحب بلدي

لو مت يا حبيبتي

ما تزعليش عليا

ده شـيء مش بيَـدِّي

حلفت بروحي ودمي 

أفدي بلدنا الحبيبة

وما أقدرش أخلف وعدي



*********

سوسن سحاب 

24/ 12/ 2013

احتواء

احتــــــواء
*********

                                                                                      

لـم أكـــن أعـــرف قبـــلك... 
كيــــف يكــــون الاحتــــواء...
حتـى رأيـــتك تحتــويني....
**********

لـم أكـــن أعــــــلم أن العيـــن
تصيــر حضنـــا يدفيء....
وتصبـــح الأنفـــــاس ....
يـــدان تحميـــــني....
******

ولأول مرة
يتـأكـــد يقـيـــني....
أن الحنــــان ليس مجرد كلمة....
ولكن نهـــــرا يرويني....
******

لا أدري....
إذا تعــانقنـــا حبيبـــي....
أهــذه يســـراك...
أم يميـــــــــــني ؟؟؟؟

سوسن سحاب

آخرتها معاك

إيـــه آخـــرتها معــاك؟؟


إنـت إيــه ؟؟ ما بتزهقش؟؟
يعني إيه آخرتها معاك؟؟

إنت أبدا ما بتيأسش؟؟
متأكد إني مش قابلاك

كل يوم تحلف بالله
آخر مرة تكلمني
وتاني يوم تقعد تحايلني
أرد عليك واتكلم معاك

فين كرامتك؟؟
فين كبريائك؟؟
حب يذلك..إرميه وراك

أنا....
لا زعلانة منك...
ولا حتى أصلا شايفاك..

ما تديش نفسك أهمية
وتفتكر اني عارفاك

ما تنتظرش حتى ابتسامة
خللي عندك شــويــة كرامة

مهما اتذللت ولو حتى ركعت
انا مش عايزاك
ولو مفيش في الدنيا سواك

سوسن 
16/ 12/ 2013

بالغلط

بالغـلـــــــــــــــط...
                                                                                           

آسفة جدا... 
بالغلط
رســــالة 
وصلت مني إليك

وقلت فيها وحشتني....

ولا إنــــت فعلا وحشتــــني
ولا أنـا مشــــــتـاقة ليك

ولا جيت على بالي اصلا
ولا فكرت خالـــص فيـــك

ولا نفسي اسمع صوتــــك
ولا حتـى واحشاني عنيــك

ولا حياتي ضلمة بدونك
ولا قلبي مـتلهــف عليك


انا بس غشيمة تكنولوجيا
ورسالتي راحت غلط إليك...


سوسن سحاب
9/ 12/ 2013

قضبان قطار

قضبــــــان قطـــــار

متشابهان في كل همسة


متقاربان بكل لمسة


نفس اللهـفــــة 


ونفس البسمة


نفس الأمنيـــة


شــعورٌ بأمــان 

***********
متوازيان في المشاعر

متجــــاوران في الخواطر

تفاصيل إنســان....
*******

كقضبان القطار

عن بعضهما لا يستغنيان

وليس لأحدهما

بدون الآخر عنــوان....

ولكن الإثنـــان

لا يلتقيان

يمضي كلٍ في طريقه بمفرده

وأبدا..لا يلتقيان........

سوسن سحاب
٦/ ١٢/ 2013 

سنين الوهم

ســـنيـن الـوهــــم
                                                  

وأســال نفسـي ؟؟
كيـف؟؟ 
وبعـد ســنين طــوال
بكل نـذالـــة....تخليـــت عنـي

كيـــف؟؟
وبعــد حـب وقـــرب
وشـــد وجـــزب
بيني وبينـــــك

وأهيــيء نفســـي مـرارا بأنــي
لابد سأنسى يومـــا حــزنـي

وأُقنــع نفســي بأنك
يومــا ما ستصبح ذكـرى
وحين يمر خيــالك بذهنــي...
سأُغمــض عيـــني....
وحين أتحــدث عنك لنفسي....
ســأصـــم أُذنـــي....
******
وحيــن أتـذكـــر ليالٍ خوالٍ
حلــــوة ومــــرة
أقول...ضاعت بلا ثمــــن
******
وأســـخر منــي !!!!
حيــن تـوهمـــت أنـك
حصـــني
وأمـــني
وســـكني
ووطنــــي
وعـــــوني 
حين تــزيد مِحَـــــني
وفرحي حين يعبـُــــس زمنـــي....
********
آآآآآه....
كـم خــاب فيــك ظني
كم خــاب فيــك ظنـــي

سوسن سحاب

على اسم مصر 5

على اســـــم مصـــــر 5

                                                                    

على اسم مصر 
يحكي التاريخ ويصحـِّي
النايم والهاجع والغافل
واللي مريح شوية
واللي بيفرح لفرحي
واللي بيحب مصر وعشانها
بروحه يضحـِّي
وإن شا الله ينام ما يصحى
اللي بيكره ويحقد
واللي بيشمت لجرحي
واللي بيعمل عمايله
ونفسه تاريخها يمحـِي
ده أصلا مش ابنها 
ولو كان اسمه مصري
أو حتى لونه قمحي

سوسن سحاب
2/ 12/ 201

كل سنة وانت حبيبي

كل ســـنة وإنـت حبيبي


أنــت من أنت.....أنــــت
أجمل إنسان, وأحلى اسم
إنت في عيوني أغلى ...
وأعلى من كل القمم...
أعلى من برج خليفة
وأسطورة أقوى من الهرم
ربنا يحميك من عيون
بنات العرب والعجم
وكل سنة وانت حبيبي
والفرحة بيننا تتقسم

سوسن
29/ 11/ 2013

ولسه فيه ناس

ملعون أبوهم

ولسه فيه ناس خاينة

وناس غلابة بيصدقوهم

يبيعولهم الوهم في قزايز

وبالسم الهاري يسقوهم

يرسموا لهم طريق الشوك

وعلى دربهِ يغصبوهم

الدين براء من أفعالهم

وبالشريعة صدعوهم
زي الشيطان يوسوس
ووقت الجد ما تلاقوهم

يارب ارحمنا منهم

ملعونين وملعون أبوهم
*******
ولسه فيه ياما
وياما في الجيراب يا حـاوي
حيعملوا فينا مصايب
وحنشوف منهم بلاوي
يحرقوا في الجامعات
والعلم ما بقاش يساوي
******
جرحك يا مصر كبير
وفين الطبيب المداوي
ما ينفعش كل الأطبـَّـا
ولا حتى صبغــة جاوي
يداويكي بس اللي حَبـِـك
وبروحه يفديكي نـاوي

سوسن سحاب

29/ 11/ 2013

راهنت قلبي عليك

راهنـــت قلبـي عليـــــك

لو تفتكر إني من غيرك أمـــوت....
تبقى واهـــــم...
أو إن دمع العين ينزل 
وصمتي يجرح السكوت
تبقى مش فاهم
أنا بس كنت راهنت قلبي عليك
ودلوقتي قلبي نادم

كل وعودك سراب 
وكل كلامك خداع
ليـه يا أكبر كداب
تجرحني قبل الوداع

إنذار شديد اللهجة

إنــــذار ...شــديـد اللهــجة


ولـَّى زمــان وانقضـى...
زمــن التـدليــل والهـدهـدة...
ولـِّى زمـان بعــت فيه...
عمــري لك بلحـظة رضــا..
ولـَّى زمـان كـان فيــه...
عقــلي كعينــي مغمــضا...
*******

ولـَّى زمــان الاشـتياق...
والاحتـــراق...
واحتمــال مالا أطــاق...
*****

ولـِّى زمـــان الالتصـــاق...
والـذوب في لحظة عنــاق...
وانتــظار مـوعــد تــلاق...
******
ولـَّى زمـــان كنــت فـيــه...
أخـــاف من كلمـــة فــــراق...
******
وأتـى زمــان....
أستحضرك في خيالي...
وأُجلسك أمـامي ...
كتلميـــذ كثيــر الجـدال...
وأعطيـــك درسا في الأخــلاق...
******
ولـَّى زمـان كنــت فيــه...
مثــل النسمة...
رقيــقة وحالمــة...
وأتـَّى زمــان...
أصبح غضبي هادر موجه...
أصـُّف الكلمــة جــوار الكلمــة...
بلا هــوادة ولا رحمـــة..
وأغزل من غضبي ..
جملة مفيــدة...
تحمــل لغرورك... 
إنذارا شديد الهجـــة...........

سوسن سحاب

الوطن

الــوطـــــــــــــن....
                                                                                                 

الوطن...
مش حفنة عفنـــة من تراب
زي ما قال ابن العبيطة
ولا شوية نقـط وخطوط
مرســومة على الخريطة

الوطن
هو المصانع
والمزارع والشوارع
وبنت زي القمر
صوت ضحكتها طالع..
لما تضحك لصاحبتها
ضحكتها توقف الشارع

الوطن 
لما تقول الآه...
تلقى حد سامع

الوطن 
هو جيرانك اللي يشوفوك 
يهلـــوا عليك ويجروا
هو صحابك اللي اتعودت
تروح معاهم سينما مترو

الوطن
هو فسحة بسيطة ع الكورنيش
هو دفعتك اللي عشت معاهم
أحلى أيام في الجيــــش

الوطن 
بنت الجيران اللي واقفة في الشباك
وانت موارب شباكك
وعينك ضاربة هناك

الوطن 
هو ايام ثانوي والجامعة
ذكرى جميلة
على شوية مقالب والعة
وجد ولعب وحب في حب
وعيون من الضحك دامعة

الوطن 
هو الشوارع والحارات 
اللي محفور على كل شبر فيها
حواديت وحكايات

الوطن
بنوتة حلوة
مكسوفة وحاضنة الكتاب
وحبة أولاد بيلعبوا
الكورة الشراب

الوطن 
هو البيوت
والحيطان
وشجرة توت
يطلعها عشانِك ابن الجيران

والوطن
بنت الجيران الحلوة القمر
اللي ساكنة في تالت دور
وبتلوِح النظر
ومعجبينها طابور
الكل يمنـِّي النفس
وهي مش شايفة حد
شايفة روحها وبس

الوطن
هو ابويا وأمي
هو خالتي وعمي
وكل حد يحبني
يخــاف عليَّ 
ويشيل همِّــي

الوطن
هو فلوكة ومراكبي 
ومشي ع الكورنيش وحبة ترمس 
وبنت وولد 
ايدين تترعش وعيون بتهمس

الوطن
هو النيل والهرم
وأحسن جدعنة 
وفوقيهم شوية كرم

الوطن
غديوة تعملها مع حبايبك
وتروح تنام
تضرب كشري
فول وطعمية
وحمص شـــام 

الوطن
وانت عنه بعيد
بتشوفه شكل تاني
بتشوفه أحلى وأجمل
وأنقى من كل المعاني

الوطــن
وإنت بره غير وإنت جوه
وانت في الغربة
شايفه كل حاجة حلوة
بترجع ذكرياتك 
كل ما تسمع غنوة

 الوطن
مهما كنت في دنيا تانية
ولو بعدت طول العمر
أراهنك حتى لو قلبك حجر
مش حتمسك دمعتك
لو سمعت شادية
بتقول يا حبيبتي يا مصر

الوطن 
كل دول مع بعضهم 
أو كل حاجة لوحدها
بس في كل حاجة
حتلقي سر فريد
مش موجود غير عندها
واللي يحبها
ويعشق أرضها
ياخدها زي ما هي على بعضها
ويحبها
ويحبها



سوسن سحاب
25/ 11/ 2013

أول مرة

أول مــــــــــرَّة
                                                                       

عندما رأيتك

أول مرة

سألت نفسي أين قابلتك؟؟

تعلقت عينـاي بك

ورجعت بشريط حياتي للوراء

في لحظات.....

فوجدتك

في كل تفصيلة

من تفاصيل الذكريات

بالرغم أني ما قابلتــــك 

قبل اليوم

لكن...هذا هو إحساسي بك

منذ رأيتك....

سيُجـَّن عقلي من التفكير

أشعر أني تحدثت معك

وضحكت معــــك

وأسمع ضحكتك في أذني....

وأثق أني....

أعلم عنك الكثير

وتعلـــم عنـِّي...

أعرف ماذا تحب...

كيف تفكر؟  لأني ......

أعرف من تكـــون ؟؟

وأغمض عيني

وأصِـفـَك كأني أراك

تشع الرجولة من عينيك

وتحيــا بقلب طفل صغير

وأعلم أن قلبك حنون

وأنك كريم وأنك غيور

وأنك تعشقني بجنون

ومكانتي عندك فوق الرأس

ومكاني في قلبك وبين الجفون

عندما قابلتك أول مرة....

سألت نفسي...وسألتك

هل عرفتك منذ ولدت

فأجبتني 

بل وُلِـدت منذ عرفتك....

أو أني منذ ولدت أحبك

وأن قدري المكتوب

قبل ميلادي

أن أحبك

أحبك

أحبك

سوسن سحاب

21/ 11/ 2013

كاب وشنطة سفر

كاب وشنطة ســــفر

                                                                           

كل اللي فاضل منك 
كاب
متغرقــة بدمك
ومرمية ع التراب
اللي شارب دمك
يا زين الشباب

مت يا ولدي شهيد
بس مش بإيــد
عِــــدا
ولا مت وسط الحرب
مت على إيد إرهـــاب
بيقول الله أكبر
يلا نقتل العسكر
كل ما نقتل زيادة
حنقبض عليهم أكتر

كل اللي فاضل منك كاب
وشنطة فيها هدمتين 
نضاف ومرصوصين
فتحتهم يا ولدي 
أشم فيهم ريحتك
لقيتهم مغسولين
ليه ياولدي غسلتهم؟؟
كنت ســــــــبـتهم
بريحتك متعطرين                                                                           

كل اللي باقي منك 
كاب وشنطة
ومحفظتك البني
هديتك مني
لسه شايلها يا ولدي...إكمنها مني؟؟
فتحتها أشوف صورتك
أو صورة حبيبتك 
حاجة من ريحتك
اللي حلفت أجوزهالك
 يوم العيد
وتبقى الفرحة يا عمري فرحتين
لكن رجعت يا ولدي شهيد
يعني عريس
والليلة فرحك مع حور العين

كل اللي باقي منك                                                 

يا قلب أمك
كاب
وصورة للأحباب
وشنطة فيها هدمتين 
خدتهم في حضني  
ودعيت
ربنا ينتقم من اللي خانوك وقتلوك 
الأنجـاس الكــــلاب
اللي حرقوا دمك 
قبل ما تموت .....
لما حرقوا علمك
اللي حلفت على الكتـــاب
تفديه بدمك

كل اللي باقي منك كاب وهدمتين
خدتهم في حضني ودعيت
تبقى يا ولدي في أعلى عليين
مع الأبرار والصديقين
وابقى أنا أم الشهيد
اللي ما مامتش على ايد صهاينة
ده استشهد على ايدين ......
متأســـــلمين.........

كل اللي فاضل منك 
كاب وشنطة سفر
لقيت فيها جوابات
من ريحة المرجوم ابوك
كاتب لك يا ولدي 
خلي بالك على امك
انت ولدها الوحيد
ومصر.....
ارضك وعرضك
حتى لو مت شهيد
لسه يا ولدي 
بتسمع كلام أبوك
حتى بعد ما مــات ؟؟

وبعد ما دفنوك بدمك
دخلت الدار وحيدة
قفلت ورايا الباب
دورت على حاجة منك
تعوضني عن الغياب
لقيت اللي فاضل منك
شنطة سفر وكـــاب.....

سوسن سحاب
21/ 11/ 2013

اللي ما يشوفش من الغربال

اللي ما يشوفش من الغربال....

                                                      

رَدي على قصيدة 

عبد الرحمن يوسف القرضاوي.....

(الكلمات بين القوسين لأجزاء من قصيدة ابن القرضاوي......)




اللي ما يشوفش من الغربال


******
لو مش شايف البطحة...


اللي فوق راسك وراس أبوك واضحة....


تبقى البعيد أعمى...

**********

لو ماشفتش قواعد أمريكا...


وملـِّيت عينك إنت وأبيكا...


بمدارس العمـَّة في قطريكا


تبقى البعيد أعمى...

*************
إوعى تجيب سيرة العبيد...


انتوا العبيد...


انت وأبوك ليل ونهار بتبوسوا الإيد..


علشان الهبر واللحــمة....

وانت البعيد أعمــى....

*********
مصر مش ( كركوبة ومخروبة)...


ولا (عايبة ومعيوبة)...


ولا (غدارة وقلابة)...


ولا (بتقتل ستاتها بدبابة)...


لكن نقول ايه في أشباه رجال...


تدخل تستخبى في جامع ..


وتسيب حريمها تصلي في الشارع؟؟ 


تاهت النخوة في الزحمة...

ويا رب الخسيس يعمى

***********
أشكال وبيها أُبتليـــنا...


خفافيش وهجمت علينا ...


عمــاها النور وبتخبط فينا...


لما خرجت من الضلمة...

وبقيت زي الخفاش أعمى.....

*************
سلسال عكر..


مصنوع في قطر..


مالكم ومال مصر..


يا بئــر ناضح خيانة وغدر...

يا ســوس بينخر في الأمة..

يا أعمى وحيفضل أعمى

**********
بحسْـــبـِن عليــك ...


انت وأبـــوك..


وعلى كل خاين باع بلاده..


وغرق في الفتة واليغمة...

وانت البعيد أعمى
**************
بتقول كمان...


(حيصدرولك كرش لابس عِـمَّة)..


(وشه العكر يشبه دخول غُمَّةْ)...


ومين غير أبوك... كرش ولابس عِــمَّة؟؟


ووشه العكر كرهنا في العيشة واللقمة؟؟

وحقده خلاه أعمى..

******************


مصر مش (دولة حشاشة وعاملة مكسوفة )...

دي بس من عمايلكوا مقروفة...


يا محسوبين علينا بالاسم مصريين..


صهاينة ملكمش لازمة...

والقلب أصم وأعمى

*******************
مصر يا عويل يا عميل عمرها...


ما كانت (مش لاقية حد يلمها)...


يا حثالة كارهة نفسها ...


يا ابن العمالة والسفالة...


يا ابن النذالة كلها..


إنت وأبــوك...


تقولوا الكلمة وتعملوا عكسها..

يا بوم معشش في العتمة..


يا بغل حيموت من التخمة..


بس لربك فيك حكمـــة...


إنك تشوف عيوب الناس...


وتيجي لعيوبك تعمى..

**************
يعني لو مش شايف البطحة..


اللي فوق راسك وراس أبوك واضحة..


ولا شامم الريحة ...


اللي منك ومن أبوك ناضحة...

 وفايحة..


لو مش شايف من الغربال...


تبقى البعيد أعمى...


واللي ما يشوف من الغربال يبقى أعمى.....





*********
سوسن سحاب

18/11/ 2013